Far Vestur Á Eiðið

Neyvan høvdu teir, ið hittust á fundi í Klubbanum á sumri í 1905, sæð fyri sær stóra hátíðarhaldið í Vági 100 ár seinni. Tá vóru einans tankar, men eingir karmar. Men hesir tankar í Klubbanum førdu við árunum við sær eitt skriðulop av skapanartrongd, ið setti í gongd arbeiðið at gera fyrsta veruliga fótbóltsvøllin +i Vági, sum mong ár seinni góvu okkum visioneru byggitiltøkini við felagshúsi, ítróttarhøll og graslíkisvølli, sum í dag eru karmar og grundarlag undir tí ótrúliga stóra sjálvbodna ítróttararbeiðinum, ið dagliga fer fram vesturi á Eiðinum.