Meinigheitshúsið Í Havn

Í 1895 bygdu havnamenn sær kommunuskúla tætt uppi við bøgarðin í gomlu Havnini. Í 1896 bygdu teir sær meinigheitshús oman fyri bøgarðin í hagalendi. Báðir hesir bygningar standa enn, nú fyrsta øldin er farin, í sínum upprunaliga skapi og sum karmur um virksemi hjá Tórshavnar Býráði. Skúlin og Meinigheitshúsið vóru tá kirkjunnar børn. Í hesari bókini kanst tú lesa um, hvussu Meinigheitshúsið hevur skikkað sær í hesi góð hundarð árini sum kirkjunnar barn.